Версія для друку
Памер
+
Друк

Бясплатныя юрыдычныя кансультацыі пройдуць у Беларусі 13 сакавіка ў гонар Дня Канстытуцыі

У Беларусі напярэдадні Дня Канстытуцыі пройдуць акцыі па аказанні бясплатнай прававой дапамогі грамадзянам, паведаміла БЕЛТА прэс-сакратар Мінюста Вольга Шыбко.

На базе галоўных упраўленняў юстыцыі аблвыканкамаў і Мінскага гарвыканкама 13 сакавіка прыёмы правядуць спецыялісты ўпраўленняў, адвакаты, натарыусы, судовыя выканаўцы, работнікі органаў ЗАГС. У Брэсце бясплатныя кансультацыі можна будзе атрымаць з 14.00 да 16.00 па адрасе вул.Міцкевіча, 3. У Віцебску акцыя пройдзе з 10.00 да 12.00 па адрасе вул.Праўды, 18, а ў Гомелі - з 10.00 да 13.00 па вул.Фрунзэ, 6.

У Гродне і Гродзенскай вобласці супрацоўнікі органаў прымусовага выканання, спецыялісты аддзелаў ЗАГС, адвакаты і натарыусы акажуць бясплатную юрыдычную дапамогу па месцы знаходжання адпаведных службаў, у тым ліку па адрасе вул.Ажэшкі, 3. У Мінскай вобласці з 11.00 да 13.00 кансультацыі па прававых пытаннях будуць арганізаваны ў фармаце прамых тэлефонных ліній. У Магілёве акцыя пройдзе з 10.00 да 12.00 па двух адрасах: вул.Першамайская, 71 (па пытаннях дзейнасці галоўнага ўпраўлення юстыцыі) і вул.Першамайская, 77 (па пытаннях дзейнасці органаў прымусовага выканання). У сталіцы пракансультуюць з 10.00 да 13.00 ва ўпраўленні рэгістрацыі і ліцэнзавання галоўнага ўпраўлення юстыцыі Мінгарвыканкама (пр.Пушкіна, 42).

Акрамя таго, 13 сакавіка будуць бясплатна кансультаваць ва ўсіх натарыяльных канторах і бюро, а таксама адвакацкіх утварэннях краіны.

Навіны Беларусі (БЕЛТА)

Вы можаце знайсці гэту старонку па наступным адрасе:
http://ostrovets.gov.by/by/republic-by/view/bjasplatnyja-jurydychnyja-kansultatsyi-projduts-u-belarusi-13-sakavika-u-gonar-dnja-kanstytutsyi-14854/

© Астравецкі раённы выканаўчы камітэт, 2016
Распрацоўка і падтрымка сайта БЕЛТА