Паспрабуйце сілы ў літаратурным конкурсе імя Максіма Багдановіча

Паспрабуйце сілы ў літаратурным конкурсе імя Максіма Багдановіча

Увазе творчых людзей, якія пішуць вершы і прозу: Гродзенскі аблвыканкам праводзіць літаратурны конкурс імя Максіма Багдановіча.

Да ўдзелу запрашаюць жыхароў рэгіёна, якія на момант падачы заяўкі дасягнулі 18-ці гадоў. Арганізатары прапаноўваюць паспрабаваць свае сілы ў 7-мі намінацыях: «Паэзiя», «Проза», «Дзiцячая лiтаратура», «Публiцыстыка i краязнаўства», «Лiтаратуразнаўства i крытыка», «Драматургiя», «Адкрыццё года». Работы не павінны быць раней апублікаваны, у тым ліку ў сацыяльных сетках і ў інтэрнэце. Дазваляецца ўдзел аднаго ці некалькіх аўтараў.

Заяўкі для ўдзелу ў конкурсе неабходна прадставіць да 1 лютага 2026 года ва ўпраўленне культуры аблвыканкама.

Пераможцу ў кожнай намінацыі чакаюць дыплом, кветкі і грашовая прэмія. Узнагароджанне пройдзе ва ўрачыстай абстаноўцы да Дня Незалежнасці Рэспублікі Беларусь.

Падрабязней умовы конкурсу глядзіце ў Інструкцыі

IНСТРУКЦЫЯ АБ ПАРАДКУ ПРАВЯДЗЕННЯ АБЛАСНОГА ЛIТАРАТУРНАГА КОНКУРСУ IМЯ М.БАГДАНОВIЧА

1. Дадзеная Iнструкцыя вызначае парадак правядзення абласнога лiтаратурнага конкурсу iмя М.Багдановiча (далей, калi не пазначана iншае, – конкурс).

2. Арганiзатарам конкурсу з'яўляецца Гродзенскi абласны выканаўчы камiтэт (далей – аблвыканкам).

3. Мэты правядзення конкурсу:

• папулярызацыя дзейнасцi пiсьменнiкаў Гродзенскай вобласцi;
• стымуляванне стварэння высокамастацкiх лiтаратурных твораў;
• выяўленне таленавiтых аўтараў i новых iмёнаў у лiтаратуры;
• павышэнне статусу пiсьменнiка ў грамадстве.

4. Конкурс праводзiцца адзiн раз у два гады па сямi намiнацыях:

• «Паэзiя»;
• «Проза»;
• «Дзiцячая лiтаратура»;
• «Публiцыстыка i краязнаўства»;
• «Лiтаратуразнаўства i крытыка»;
• «Драматургiя»;
• «Адкрыццё года».

5. На конкурс дапускаюцца неапублiкаваныя раней лiтаратурныя творы на дзяржаўных мовах Рэспублiкi Беларусь. Размяшчэнне лiтаратурных твораў або iх фрагментаў у сацыяльных сетках i глабальнай камп'ютарнай сетцы Iнтэрнэт (далей – сетка Iнтэрнэт) прыраўноўваецца да публiкацыi.

6. Удзельнiкам конкурсу з'яўляецца аўтар лiтаратурнага твора, якi на дату падачы заяўкi на ўдзел у конкурсе дасягнуў 18-гадовага ўзросту i зарэгiстраваны (фактычна пражывае) на тэрыторыi Гродзенскай вобласцi.

7. Дапускаецца ўдзел у конкурсе аднаго аўтара цi некалькiх аўтараў у некалькiх намiнацыях з рознымi творамi.

8. Асноўнымi крытэрыямi ацэнкi намiнаваных лiтаратурных твораў з'яўляюцца:

• лiтаратурна-мастацкi ўзровень лiтаратурнага твора;
• актуальнасць тэмы лiтаратурнага твора;
• наяўнасць сучасных лiтаратурных падыходаў да распрацоўкi тэмы;
• абгрунтаванне агульначалавечых каштоўнасцяў i iдэй гуманiзму;
• выкарыстанне ў лiтаратурным творы рэгiянальнага фактара (асаблiвасцi мясцовага каларыту).

9. На конкурс не дапускаюцца творы, якiя папулярызуюць (прапагандуюць), у тым лiку ўскосна, гвалт, агрэсiўныя паводзiны, распальванне нацыянальнай i рэлiгiйнай варожасцi, ужыванне алкаголю i наркотыкаў, крымiнальны i амаральны лад жыцця, з выкарыстаннем ненарматыўнай лексiкi.

10. Намiнацыя разглядаецца, калi ў ёй не менш за 5 удзельнiкаў.

11. У кожнай намiнацыi вызначаецца адзiн пераможца.

12. Пераможцамi конкурсу могуць быць як адзiн аўтар, так i калектыў аўтараў.

Пераможца ў намiнацыi можа не вызначацца ў сувязi з адсутнасцю высокамастацкiх твораў.

Дапускаецца вызначэнне аднаго аўтара (калектыва аўтараў), якi прадставiў некалькi твораў у розных намiнацыях, пераможцам па некалькiх намiнацыях.

13. Вызначэнне намiнацыi конкурсу, у якой прымаецца ўдзел, ажыццяўляецца аўтарамi лiтаратурных твораў.

Пры вылучэннi твораў у намiнацыi «Адкрыццё года» члены Гродзенскага абласнога аддзялення грамадскага аб'яднання «Саюз пiсьменнiкаў Беларусi» удзелу не прымаюць.

14. Аб'ява аб правядзеннi конкурсу размяшчаецца ў сродках масавай iнфармацыi i сетцы Iнтэрнэт не пазней за 1 снежня года, папярэдняга году правядзення конкурсу.

15. Для ўдзелу ў конкурсе ўдзельнiкам неабходна да 1 лютага года правядзення конкурсу прадставiць ва ўпраўленне культуры аблвыканкама:

• заяўку на ўдзел у абласным лiтаратурным конкурсе iмя М. Багдановiча па форме згодна з дадаткам;
• кароткiя бiяграфiчныя звесткi аб удзельнiку конкурсу;
• экзэмпляр лiтаратурнага твора ў выглядзе рукапiсу (у друкаваным i электронным выглядзе): шрыфт 14 Times New Roman, фармат лiста А4.
• Аб'ём твора, якi прадстаўляецца на конкурс, павiнен змяшчаць не менш за 60 старонак (за выключэннем намiнацыi «Дзiцячая лiтаратура»).
• Iмя аўтара лiтаратурнага твора ўказваецца толькi ў заяўцы на ўдзел у абласным лiтаратурным конкурсе iмя М.Багдановiча. У тэксце (лiтаратурным творы) iмя аўтара не павiнна прысутнiчаць для гарантыi ананiмнасцi пры разглядзе членамi камiсii.

16. Для вызначэння пераможцаў конкурсу ствараецца камiсiя ў колькасцi не менш за 9 чалавек, персанальны склад i рэгламент работы якой зацвярджаецца старшынёй аблвыканкама.

17. Камiсiя ажыццяўляе:

• разгляд матэрыялаў, якiя паступiлi на конкурс;
• ацэнку лiтаратурных твораў згодна з крытэрыямi, вызначанымi у пункце 8 дадзенай Iнструкцыi;
• вызначэнне пераможцаў конкурсу па кожнай намiнацыi.
• Рэцэнзii на лiтаратурныя творы камiсiяй не выдаюцца.

18. Пераможцу конкурсу ў кожнай намiнацыi ўручаецца дыплом у рамцы, букет кветак i грашовая ўзнагарода ў памеры 100 базавых велiчынь.

У выпадку, калi пераможцам у намiнацыi становiцца калектыў аўтараў, дыплом у рамцы i букет кветак уручаецца кожнаму з аўтараў, а грашовая ўзнагарода ў памеры 100 базавых велiчынь выдзяляецца iм сумесна.

Дзяржаўная ўстанова культуры «Гродзенская абласная навуковая бiблiятэка iмя Я.Ф. Карскага» прымае ў абменны фонд 40 працэнтаў тыражу ад выдання лiтаратурнага твора аўтара (калектыва аўтараў), вызначанага пераможцам конкурсу, для далейшага размеркавання памiж публiчнымi бiблiятэкамi Гродзенскай вобласцi.

Лiтаратурныя творы пераможцаў конкурсу ў электронным фармаце захоўваюцца на працягу 5 гадоў у дзяржаўнай установе культуры «Гродзенская абласная навуковая бiблiятэка iмя Я.Ф. Карскага».

19. Узнагароджанне пераможцаў конкурсу ажыццяўляецца ва ўрачыстай абстаноўцы да Дня Незалежнасцi Рэспублiкi Беларусь (Дня Рэспублiкi) года, у якiм праводзiцца конкурс.

20. Фiнансаванне расходаў на правядзенне конкурсу ажыццяўляецца за кошт сродкаў абласнога бюджэту, прадугледжаных у каштарысе ўпраўлення культуры аблвыканкама на цэнтралiзаваныя культурныя мерапрыемствы.

21. Iнфармацыя аб вынiках конкурсу размяшчаецца ў сродках масавай iнфармацыi i сетцы Iнтэрнэт не пазней за 10 дзён пасля прыняцця рашэння аб вызначэннi пераможцаў конкурсу.