Конкурс "Лепшы экспарцёр" стартаваў у Беларусі

Беларуская гандлёва-прамысловая палата пачала прымаць заяўкі на рэспубліканскі конкурс "Лепшы экспарцёр 2019 года", паведамілі БЕЛТА ў прэс-службе БелГПП.

Асноўная мэта - стымуляванне развіцця экспартна арыентаванай вытворчасці і павышэнне прэстыжу айчынных вытворцаў на сусветным рынку. У час конкурсу будуць вызначаны пераможцы ў 22 намінацыях (машынабудаванне і металаапрацоўка, электроніка і прыборабудаванне, металургія, харчовая прамысловасць, сельская гаспадарка, адукацыя і іншыя).

Удзел могуць прымаць суб'екты прадпрымальніцкай дзейнасці - рэзідэнты Беларусі любой формы ўласнасці, якія пастаўляюць на экспарт прадукцыю (работы, паслугі і г.д.).

Конкурс складаецца з 2 этапаў. Адборачны (з 3 лютага) праводзіцца рэгіянальнымі камісіямі, якія выбіраюць удзельнікаў, якія маюць лепшыя паказчыкі фінансава-гаспадарчай дзейнасці. Затым будзе фінальны этап (18 сакавіка), дзе рэспубліканская камісія пры БелГПП вызначыць пераможцаў.

Конкурс "Лепшы экспарцёр" з'яўляецца штогадовым. Арганізатарамі выступаюць Беларуская гандлёва-прамысловая палата сумесна з зацікаўленымі органамі дзяржкіравання, аблвыканкамамі, Мінскім гарвыканкамам, бізнес-саюзамі, Беларускай універсальнай таварнай біржай, страхавой кампаніяй "Белэксімгарант" і Адміністрацыяй Парка высокіх тэхналогій.

Навіны Беларусі (БЕЛТА)