У Беларусі прыпынены прафілактычныя медагляды

Прафілактычныя медагляды прыпынены ў Беларусі. Аб гэтым гаворыцца ў загадзе Міністэрства аховы здароўя нумар 1141 ад 21 верасня 2021 года, размешчаным на сайце Міністэрства аховы здароўя, паведамляе БЕЛТА.

Выключэнне складаюць медыцынскія агляды, праводзімыя ў парадку, устаноўленым Інструкцыяй аб правядзенні абавязковых і пазачарговых медаглядаў працуючых, зацверджанай пастановай Міністэрства аховы здароўя нумар 74 ад 29 ліпеня 2019 года.

Правядзенне прафілактычных медыцынскіх аглядаў прыпыняецца да стабілізацыі эпідэміялагічнай сітуацыі па COVID-19. Згодна з дакументам прымаць рашэнне аб прыпыненні і (або) аднаўленні планавай шпіталізацыі ў бальнічных арганізацыях будуць на месцах самастойна з улікам існуючай эпідэміялагічнай сітуацыі і магчымасцей арганізацый аховы здароўя.

Паліклінікі і бальніцы пераходзяць на рэжым работы ў эпідэміялагічны перыяд, абумоўлены павышэннем захваральнасці на інфекцыю COVID-19 і ВРІ.

Што датычыцца РНПЦ, яны прадоўжаць працаваць у звычайным рэжыме з улікам профілю аказання спецыялізаванай медыцынскай дапамогі ў адпаведнасці з загадам Міністэрства аховы здароўя нумар 775 ад 24 ліпеня 2020 года "Аб зацвярджэнні Інструкцыі аб парадку работы арганізацый аховы здароўя ва ўмовах спарадычнай захваральнасці на інфекцыю COVID-19".

Як дадалі ў прэс-службе міністэрства, тым жа загадам унесены змяненні ў правядзенне семінараў, канферэнцый, з'ездаў і інш. Спецыялісты, якія прайшлі поўны курс вакцынацыі супраць інфекцыі COVID-19, могуць прымаць удзел у рабоце мерапрыемстваў у вочным рэжыме. Тыя ж спецыялісты, якія яшчэ не завяршылі курс вакцынацыі, будуць удзельнічаць у мерапрыемствах анлайн.

Загад Міністэрства аховы здароўя нумар 1018 ад 30 верасня 2020 года "Аб парадку работы арганізацый аховы здароўя ва ўмовах захваральнасці на інфекцыю COVID-19" прызнаны страціўшым сілу.-0-

БЕЛТА - Навiны Беларусi