У гэты дзень і падарункі, і падзякі, і віншаванні, і песні – усё было для іх, працаўнікоў аграпрамысловага камплексу раёна. Падчас урачыстасці звыш 120 чалавек былі адзначаны ўзнагародамі рознага ўзроўню – пераможцы традыцыйнага штогадовага сельскагаспадарчага спаборніцтва сярод камбайнераў, вадзіцеляў, аператараў зернесушыльных установак, даярак малочна-таварных ферм і комплексаў, жывёлаводаў. Вызначылі на свяце і лепшых працаўнікоў у сваёй прафесіі.
Старшыня Астравецкага райвыканкама Ігар Шалудзін падвёў вынікі сельскагаспадарчага года і назваў пераможцаў спаборніцтва ў раслінаводстве і жывёлагадоўлі. Інтрыгі не атрымалася: які год запар першае месца заняў КСУП “Гудагай”, другое – КСУП “Гервяты”.
Віншаванні, грашовыя прэміі і падарункі ад Астравецкага райвыканкама і раённага Савета дэпутатаў, упраўлення сельскай гаспадаркі і харчавання, райкама прафсаюза работнікаў аграпрамысловага комплексу, раённага аб’яднання прафсаюзаў, арганізацый грамадскіх аб’яднанняў “Белая Русь”, “Беларускі саюз жанчын”, “Беларускі рэспубліканскі саюз моладзі” атрымалі пераможцы сельгасспаборніцтва і перадавікі аграпрамысловага комплексу Астравеччыны.
Канцэртныя нумары ад лепшых калектываў і артыстаў раёна і вакальнай групы Смаргонскай пагранічнай групы сталі прыемным дапаўненнем да заслужаных узнагарод.
