Як саўгас «Падольскі» дасягнуў прагрэса ў малочнай вытворчасці

Яшчэ некалькі гадоў назад РУП «Астравецкі саўгас «Падольскі» па многіх пазіцыях сельскагаспадарчай вытворчасці ў раённым табелі рангаў займаў апошняе месца. Літаральна год назад справы змяніліся: па выніках работы за мінулы год у жывёлагадоўлі гаспадарка заняла ІІІ месца ў раённым спаборніцтве.  Як саўгасным жывёлаводам удалося павысіць вытворчасць малака і яго якасць, расказвае галоўны заатэхнік  РУП «Астравецкі  саўгас «Падольскі»  Галіна Шчамялёва: – Ніякіх сакрэтаў няма. Дырэктар Дзяніс Кірпа змог згуртаваць вакол сябе лю­дзей, якія працуюць на вынік. Было прынята рашэнне, што вытворчасцю малака будуць займацца толькі на малочна-таварных комплексах «Рытань» і «Падольцы», кямелішкаўскую ферму расфарміравалі. Не мной сказана, што малако ў каровы на языку. У мінулыя гады падчас зімне-стойлавага перыяду кармоў жывёле не хапала. Пазалетась іх нарыхтавалі пад патрэбу – добрай якасці атрымаўся кукурузны сілас. Па ацёлы 2019-га пакрылі шмат цёлак, а ў канцы міну­лага года сфарміравалі групы кант­рольных першацёлак: замянілі непрадукцыйных жывёл малочнымі. Актыўна працавалі над кармавой базай: маючы ўласнае збожжа, набывалі збалансаваныя канцэнтраты. У выніку ўсіх гэтых намаганняў да 2020 года прыйшлі з плюсам: надой ад каровы за 2019-ы  склаў 5 605 кілаграмаў малака (+939 кг). Сёлета таксама нарошчваем яго вытворчасць – да канца года плануем надаіць па 6 100 кілаграмаў малака ад каровы. Думаем ажыццявіць гэта за кошт вытворчасці ўласных кармоў са збожжавых культур. Калі параўноўваць малочна-таварныя комплексы «Рытань» і «Падольцы», то першы лідзіруе: за тры месяцы бягучага года там надаілі на 270 тон больш і якасць малака лепшая – гатункам экстра перапрацоўшчыкам пас­таў­лена амаль 606 тон.  На маю думку, адна з прычын адставання малочна-таварнага комплексу «Падольцы» ў тым, што хворыя каровы дояцца разам са здаровымі. Над вырашэннем гэтай праб­лемы зараз працуем.  Вялікую ўвагу надаём селекцыйнай рабоце: хворых рагуль выбракоўваем. Нездарма кажуць, што добрая карова атрымліваецца з цялушкі: ветэрынарныя ўрачы суправаджаюць жывёліну на ўсіх этапах яе жыцця.  Пасвяцца пяць гуртоў сцельных цялушак, сухастой першага перыяду, а таксама два статкі па 150 дойных кароў. Для аздараўлення на пашу таксама будзем выганяць навацельных кароў.  Лічу, што ўсе перадспасылкі для нарошчвання вытворчасці малака ў нас ёсць, тым больш што на комплексах і фермах шмат гадоў працуюць адны і тыя ж людзі, якія добра ведаюць сваю справу.  ЛІЧБА 1 550 кароў  – дойны статак РУП «Астравецкі саўгас «Падольскі». Подписывайтесь на телеграм-канал «Гродно Медиа Group» по короткой ссылке  t.me/GrodnoMediaGroup . Телеграм-канал «Гродно Медиа Group» – это ежедневные новости районов Гродненской области и города Гродно.   Текст:  Алёна Ганулич Фото:  Алёна Ганулич