Форум "Беларусь - гэта мы" ўжо аб'яднаў каля 15 тыс. маладых людзей - Варанюк

Форум "Беларусь - гэта мы!" ўжо аб'яднаў каля 15 тыс. маладых людзей, паведаміў журналістам першы сакратар Цэнтральнага камітэта Беларускага рэспубліканскага саюза моладзі, член Савета Рэспублікі Дзмітрый Варанюк, паведамляе карэспандэнт БЕЛТА. "Форум "Беларусь - гэта мы!" за апошні месяц па ўсёй краіне аб'яднаў каля 15 тыс. маладых юнакоў і дзяўчат. Ён уключаў "Адкрытыя дыялогі", дзе мы з актыўнымі ўдзельнікамі абмяркоўвалі, што ж сёння неабходна зрабіць, каб маладзёжная палітыка развівалася і маладыя людзі адчувалі сябе камфортна. Што сёння неабходна змяніць у заканадаўчай сферы, на мясцовым або рэспубліканскім узроўні, каб падтрымка моладзі прадаўжалася і, самае галоўнае, маладыя людзі былі максімальна ўключаны ў будаўніцтва нашай дзяржавы. Гэта такія сур'ёзныя пасылы, і вельмі добра, што моладзь адгукнулася", - расказаў Дзмітрый Варанюк. Паводле яго слоў, ад моладзі паступіла некалькі дзясяткаў самых розных прапаноў. "Прычым яны датычыліся як глабальных рэчаў, так і прыватных. Напрыклад, у Магілёўскай і Брэсцкай абласцях мы дыскутавалі аб папулярызацыі выкарыстання дзяржсімвалаў. Моладзь уздымала пытанне стварэння асобнага дзяржоргана маладзёжнай палітыкі. У Мінскай і Віцебскай абласцях абмяркоўвалася падтрымка моладзі ў рэгіёнах. У прыватнасці, хлопцы і дзяўчаты з Крупак разважалі, што трэба зрабіць, каб моладзь пасля вучобы вярталася назад у свае рэгіёны", - адзначыў першы сакратар ЦК БРСМ. Дзмітрый Варанюк падкрэсліў, што дзяржава падтрымлівала і будзе падтрымліваць моладзь. "Сёння ў моладзі сапраўды шмат прэферэнцый. Самае галоўнае, каб усё гэта і далей развівалася і каб моладзь магла ўдзельнічаць у гэтых працэсах. Здорава, што хлопцы і дзяўчаты актыўна сябе праяўляюць. Галоўнае, яны гатовы не толькі гаварыць, але і рабіць", - расказаў ён Форум "Беларусь - гэта мы!" аб'ядноўвае самую розную моладзь - школьную, студэнцкую, рабочую, гарадскую і сельскую. "У нас могуць быць розныя погляды, але мы павінны паважаць меркаванне адзін аднаго. Разам з Маладзёжным парламентам пры Нацыянальным сходзе распрацавана ўнікальная маладзёжная платформа "Рух НАПЕРАД", куды кожны жадаючы можа накіраваць свае прапановы, як ён бачыць будучыню Беларусі. Такія прапановы актыўна паступаюць. Усе іх прааналізуюць і абавязкова ўлічаць", - дадаў Дзмітрый Варанюк.-0- Новости Беларуси