Галоўчанка аб перспектывах будаўніцтва другой АЭС: прапанова ў прапрацоўцы і будзе прадстаўлена Прэзідэнту ў 2022 годзе

Магчымасць будаўніцтва другой АЭС у Беларусі разглядаецца, прапанова будзе прадстаўлена Прэзідэнту ў 2022 годзе. Аб гэтым заявіў журналістам прэм'ер-міністр Беларусі Раман Галоўчанка, перадае карэспандэнт БЕЛТА. "Ёсць даручэнне Прэзідэнта аб прапрацоўцы пытання будаўніцтва другой станцыі ў іншым рэгіёне Беларусі. Гэта пытанне не вельмі простае, трэба правесці вялікі аб'ём не толькі эканамічных разлікаў, але і навуковых даследаванняў зыходзячы з комплекснай праграмы развіцця краіны", - сказаў Раман Галоўчанка. Паводле яго слоў, гэта работа цяпер ідзе ў планавым парадку пад кіраўніцтвам Нацыянальнай акадэміі навук з удзелам расійскіх партнёраў. "Мы разлічваем яе завяршыць да восені наступнага года і ўнясём Прэзідэнту адпаведную прапанову", - праінфармаваў прэм'ер-міністр.-0- БЕЛТА - Навiны Беларусi