КДК анансаваў маніторынгі прадуктовых рынкаў ва ўсіх рэгіёнах Беларусі

Камітэтам дзяржкантролю пачаты маштабныя кантрольныя мерапрыемствы па пытаннях функцыянавання рынкаў, дзе рэалізуецца харчовая прадукцыя, паведамілі БЕЛТА ў КДК. Спецыялісты кантрольнага ведамства вывучаць выкананне заканадаўства, у тым ліку аб якасці і бяспецы прадуктаў харчавання, даступнасці гандлёвых месцаў і магчымасці продажу прадукцыі ўласнай вытворчасці. У цэнтры ўвагі будзе і наяўнасць неабгрунтаваных пасрэдніцкіх структур пры продажы айчынных тавараў, выкананне заканадаўства аб цэнах (недапушчэнне іх завышэння). Маніторынгі правядуць ва ўсіх рэгіёнах рэспублікі.-0- БЕЛТА - Навiны Беларусi