26.10.2021
“Золото”, “серебро” и две “бронзы” привезли из республики островецкие боксеры
“Золата”, “серабро” і дзве “бронзы” прывезлі астравецкія баксёры са спартакіяды Рэспублікі Беларусь сярод удзельнікаў 2006-2007 гадоў нараджэння.
Нагадаю, што на абласных спаборніцтвах каманда Астравецкай спецыялізаванай дзіцяча-юнацкай школы алімпійскага рэзерву заняла 1-е месца, і 6 выхаванцаў Аляксея Маргужа вырашылі паспрабаваць свае сілы на рэспубліканскім рынгу. Гэта атрымалася ў іх удала.
Найлепш выступіў кандыдат у майстры спорту Кірыл Рагавенка, вагавая катэгорыя да 70 кілаграмаў. Юнак правёў 3 баі – і ва ўсіх святкаваў перамогу. Больш таго, у фінале ў другім раўндзе паядынак быў датэрмінова спынены з-за яўнай перавагі астраўчаніна. Вынік – чарговае “золата” ў калекцыі Кірыла.
Кандыдат у майстры спорту Цімур Сянкевіч , вагавая катэгорыя да 48 кілаграмаў, таксама тройчы выходзіў на рынг, перамог двух сапернікаў, аднак саступіў трэцяму і стаў сярэбраным прызёрам.
Ілля Чункевіч і Арсень Мялешка выступалі ў аднолькавай вагавой групе – да 60 кілаграмаў, і абодва заваявалі “бронзу”. Праўда, Ілля па жараб’ёўцы правёў 2 паядынкі, у першым з якіх перамог з яўнай перавагай. Арсень жа змагаўся ў трох баях, 2 выйграў, але саступіў у паўфінале.
У складзе астравецкай каманды таксама выступілі Раман Аўдзеенка, вагавая катэгорыя да 52 кілаграмаў, і Аляксандр Бордак – да 54 кілаграмаў. Хлопцы правялі годныя баі, але сапернікі былі мацнейшымі.
Дарэчы, прыемна, што падтрымаць нашых баксёраў на спаборніцтвы прыйшлі вядомыя землякі – Віталь Бандарэнка і Сяргей Лобан.
Подписывайтесь на «Островецкую правду» в телеграм по короткой ссылке https://t.me/ostrovetsby .
И присоединяйтесь к нашему сообществу в viber https://vk.cc/c3yHGs – будьте всегда в курсе свежих новостей из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup .
Телеграм-канал «Гродно Медиа Group» – это ежедневные новости районов Гродненской области и города Гродно.
Текст: Марина Мацкевич